Бақытжан Сағынтаев баяндама жасаған әкімдерді сынға алды

Бірқатар әкім су тасқыны мен өртке қарсы шаралар қабылдамаған. Бүгін Үкімет отырысында Премьер-министр Бақытжан Сағынтаев осы бағытта атқарылған жұмыстарын баяндаған әкім-қараларды сынға алды. Себебі, жергілікті атқамінерлердің былтыр атқарған жұмыстарында еш мін жоқ. Барлығы қалтқысыз орындалған. Бірақ, алдағы көктемге қарсы нақты мәселелер қарастырылмаған. Премьер-министрдің қытығына тигені де осы.