Муома улууһугар «Кубок Арктики» диэн үөрэнээччилэр Спартакиадата ааста

Бу күннэргэ Муома улууһугар «Кубок Арктики» диэн Индигир сүнньүгэр олорор Абый, Аллайыаха, Муома үөрэнээччилэрин Спартакиадата бэрт тэрээһиннээхтик ыытылынна. Спартакиадаҕа барыта 127 оҕо спорт 6 көрүҥэр күрэхтэстилэр. Муомалар ыалдьыттарын хоту дойду сиэринэн бэрт истиҥник көрүстүлэр. Үс күн буолбут күрэхтэһии элбэх ыалдьааччыны түмтэ. Спартакиада5а хаһаайыттар бастыыр иһин кимиилээхтик кииристилэр, бэлэмнэнии үлэтэ тэрээһиннээхтик барбыта көһүннэ. Спорт национальнай көрүҥнэригэр күрэх бэрт сытыытык ааста.