“Fikrlaydigan” sunʼiy intellektga oz qoldi”

Rejalashtirish va fikr yurita olish imkoniyatiga ega inqilobiy Strawberry deb nomlanuvchi sunʼiy intellekt agenti deyarli tayyor. Bu haqda Reuters xabar bermoqda. Jurnalistlarning OpenAI‘dan qo‘lga kiritilgan ichki hujjatlarga tayanib yozishicha, kompaniya masalaga yangicha yondashuvchi sunʼiy intellekt tizimini ishlab chiqmoqda – loyihaning shartli nomi “Strawberry”, yaʼni qulupnay. Bilmadik, nega bunday nom tanlangan. Balki boshida shirin chiqmay keyingilari shira tortadigan meva bo‘lgani uchundir. Mayli, bu ishlab chiquvchilarning fantaziyasiga bog‘liq. Yangi modelni boshqalardan ajratib turadigan va ayrimlarning xavotiriga sabab bo‘ladigan xususiyati bu uning fikrlash qobiliyatidir. Balki biz tushunadigan “fikrlash” bilan mashina “fikr yuritishi” orasida farq bordir. Ammo nima bo‘lganida ham bu keyingi daraja, keyingi bosqich ekani aniq. Nashriyot manbasining aytishicha, jurnalistlar qo‘lidagi hujjatning aniq sanasini aniqlash imkoni bo‘lmagan, lekin hozirda ishlab chiqish jarayonida bo‘lgan “qulupnay”dan kompaniya tadqiqotlar o‘tkazish uchun foydalanmoqchi ekani aniq yozilgan. Ushbu model dunyo yuzini qachon ko‘rishi haqida anqi maʼlumotlar yo‘q. U shu darajada qattiq himoyalanganki, hatto OpenAI ichida ham ruxsatlar chegaralangan. Hujjatda yangi sunʼiy intellekt agenti nafaqat savollarga javob beradigan, balki qandaydir “chuqur tadqiqot”ni amalga oshirish uchun Internetda SI avtonom navigatsiya rejasini tuzadigan loyiha sifatida tasvirlangan. OpenAI kompaniya ushbu masala yuzasidan biror-bir fikr bildirmadi, tasdiqlamadi ham, inkor ham qilmadi. “Biz SI modellarimiz dunyoni xuddi biz kabi ko‘rishini va tushunishini istaymiz. Sunʼiy intellekt imkoniyatlarini doimiy ravishda o‘rganish sohada keng tarqalgan amaliyotdir va biz ushbu tizimlar kelajakda o‘zlarining fikrlash qobiliyatlarini yaxshilashiga ishonchimiz komil“, dedi kompaniya vakili. Loyiha ustidagi ishlar o‘tgan yili boshlangan va uning nomi Q edi. Qizig‘i, uning ishga tushirilishi va birinchi natijalaridan ko‘p o‘tmay Sem Altman ishdan bo‘shatiladi. Tasodifmikan? OpenAI‘ning 2 nafar xodimining aytishicha, ular bu yil Q‘ning imkoniyatlari namoyishiga guvoh bo‘lishgan, SI modeli murakkab ilmiy savollarga muvaffaqiyatli javob bergan va matematik masalalarni yecha olgan. Seshanba kuni kompaniyada ichki umumiy yig‘ilish bo‘lib o‘tdi, unda odamlarga o‘xshab fikrlash qobiliyatiga ega SI namoyish etildi. OpenAI vakili uchrashuv bo‘lib o‘tganini tasdiqladi, lekin uchrashuvda nima bo‘lganini aytishdan bosh tortdi; Reyters bu “qulupnay” loyihasi edimi yoki boshqasi aniqlay olmadi. Ushbu avlod tizimi sunʼiy intellektning fikrlash qobiliyatini baholashda yangi mezonlar o‘rnatishi kutilmoqda. Anonim manbalardan olingan xabarlarga ko‘ra, so‘nggi oylarda OpenAI kompaniyasi dasturchilar va umuman manfaatdor tomonlarga sunʼiy intellektning fikrlash qobiliyatlari bilan bog‘liq yangi, ilg‘or texnologiyani taqdim etish arafasida ekanligi haqida signal berib kelmoqda. “Qulupnay”ning o‘ziga xos xususiyati - bu “o‘qitilish”dan keyin SI tizimini qayta ishlashning noyob, ko‘pincha “nozik sozlama” deb nomlanuvchi usulidan foydalanishida. Ushbu modelning eng muhim qobiliyati oldindan rejalashtirishni talab qiladigan vazifalarni bajarish va bir qator harakatlarni uzoq vaqt davomida bajarishdir. Xullas, sunʼiy intellektning fikrlashga o‘tishiga juda kam “masofa” qolayotganga o‘xshaydi “Unicon-Soft“ kompaniyasi Kanalga obuna bo‘ling: Aloqa markazi: 998712004646 998712356239 Ijtimoiy tarmoqlarda: Bizning tizimlarimiz haqida quyida: @E_huquqshunos_Unicon_soft @edoijro