аам саастаахтар кннэригэр

Аан дойдутааҕы аҕам саастаах дьоннор күннэрин чэрчитинэн мастер-класстар ыытылыннылар. Нэһилиэк талааннаах тарбахтаахтара бэйэлэрин сатабылларыгар үөрэттилэр. Нэдиэлэ устата дьон тоҕуоруһа мустан иис-уус ойуутугар-дьарҕаатыгар үөрэннилэр. Телефоҥҥа наадалаах сыһыарыылары туруоран сөпкө туһаныыга, дьиэ-уот киэргэтэр сувенирдары уруһуйдары, сувенирдары оҥоруу сатабылларын баһылаатылар. Маастардар Александрова М.Н., Апросимова А.Е., Шергина А.С., учууталлар Владимирова А.П., Федорова Н.Г., кулууп үлэһитэ Стручкова Э.Р. туһалаах уонна интэрэһинэй үөрэхтэри ыытан дьон махталын ыллылар. Ону тэҥэ фельдшер Антон Алексеев кырдьаҕастар доруобуйаларын көрдө-иһиттэ. Үтүө санаа добуура» акция ыытылынна, дьоһун саастаах дьоммутугар бэлэх быһыытынан нэһилиэнньэ хомуйбут продуктовай набордарын туттартаатылар.