Айгөл Аҡҡужина Әсә һәм бала, Әсә йөрәге 2018

“Әсә йөрәге - 2018“ Айгөл Аҡҡужина Баймаҡ районынан. Урындағы “Йәнгүҙәй“ әҙәби-ижад берекмәһенең әүҙем ағзаһы. “Тәүге шиғырымды 3-сө синыфта яҙҙым, ул «Йәншишмә»лә баҫылды. Был гәзиттең йәш хәбәрсеһе лә булғайным. 5-се синыфта уҡығанда Абдулхаҡ Игебаевтың «Башҡортостан» шиғырын оҫта һөйләгән өсөн Башҡортостан телевидениеһына ла барып төшөргә насип булды. Хатта унда эшләгән ағай-апайҙар ҙурайғас диктор булырға саҡырғайнылар“, – ти ул. Айгөл Рәфҡәт ҡыҙы БДУ-ның башҡорт филологияһы һәм журналистика факультетында белем алған. Уның һутлы шиғриәте менән “Бәйләнештә” селтәрендәге “Таңдағы йыр“ исемле төркөмөндә танышырға була (). Әлеге ваҡытта Йомаш ауылында йәшәгән Айгөл ханым улы – популяр йырсы һәм композитор Буранбай Аҡҡужин менән емешле хеҙмәттәшлек итә.