Дания Сатучина Инәйҙәрҙе яңғыҙ ҡалдырмағыҙ, Әсә йөрәге- 2018

Дания Сатучина 1942 йылдың 19 февралендә Ырымбур өлкәһе Яңы Сергиевка районының Мерәҫ ауылында тыуған. Әлеге көндә Ырымбур ҡалаһында көн итә, йәйҙе иһә, ауылында үткәрә. Ғүмер буйы төҙөлөштә маляр булып эшләп хаҡлы ялға сыҡҡан. Йәшләй генә яңғыҙ ҡалып, өс баланы аяҡҡа баҫтырған. Әлеге көндә улдары ла, ҡыҙы ла, үҙҙәре тормош ҡороп, матур йәшәй. Дания апай Ырымбурҙа үткән башҡортса сараларҙан һис ҡалмай, әүҙем тормош алып бара. Үҙе яҙған шиғырҙарға йырҙар ҙа ижад итә. Ҡаланың Х. Ямашев исемендәге китапханаһында журналыбыҙ үткәргән осрашыуға ла ул милли кейемдә килеп, үҙе ижад иткән йырҙарҙы һәм халҡыбыҙҙың оҙон көйҙәрен башҡарып ҡунаҡтарҙы хайран иткәйне.