Сафия Хәләфетдинова, Хәйбулла районы Иҫәнгилде ауылы

Әсәй теләге Балаларым минең – күҙ нурҙарым, Һеҙҙең өсөн генә йәшәйем. Һеҙҙең уңыштарға һөйөнөп, Бәхетле булыуығыҙҙы теләйем. Мин бәхетле, балаларым “Әсәй рәхмәт!”, тиеп торалар. Мин бәхетле, һис тә тайпылмайса Тура юлдан улар баралар. “Ҡәйнәм рәхмәт!”, “Ҡартәсәй, рәхмәт!” Һүҙҙәрен дә мин йыш ишетәм. Яңылыш юлдан китмәһендәр, тиеп, Уларҙы мин һәр саҡ иҫкәртәм. Яҡшыларға юлдаш ит! Ямандарҙан йыраҡ ит! – Ҡабатлайым һәр саҡ ошо теләкте, Яҡшыларға ғына, Аллам, юлдаш ит! Рәхмәт һүҙҙәрегеҙ өсөн, балаларым Үҙегеҙгә лә һеҙҙең ҙур рәхмәт! Был һүҙҙәрҙе йышыраҡ ишетергә Һәр кемгә лә, Аллам, насип ит! Амин!