ՄՈՍԿՎԱՅՈՒՄ ՆՇԵՑԻՆ ՍՈՒՐԲ ՀԱՐՈՒԹՅԱՆ ՏՈՆԸ

«Քրիստոս յարեաւ ի մեռելոց» այս բառերով Եկեղեցին ամեն տարի վկայում է այն մեծագույն իրադարձության մասին, որ տեղի ունեցավ երկու հազար տարի առաջ: Այս մասին առաջինն իմացան յուղաբեր կանայք, որոնք եկել էին Հիսուսի գերեզմանին այցի, սակայն «քարը գերեզմանից գլորած գտան ու ներս մտնելով՝ Հիսուսի մարմինը չգտան»: Աստվածորդին հարություն էր առել մեռելներից: Սուրբ Հարության ուրախ ավետիսն ապրիլի 9-ին հնչեց նաև Մոսկվայի Սբ. Պայծառակերպություն եկեղեցում, որտեղ Սուրբ և Անմահ Պատարագ մատուցեց թեմակալ առաջնորդ Տեր Եզրաս արք. Ներսիսյանը: