Ҡорама ҡорау

#Обществобашкирскихженщин #ЖенщинаМатьНации #ҠатынҠыҙМилләтӘсәһе #Конкурс Аң-белем – мәңгелек ғилем, тиҙәр. Был мәҡәлдең тапҡырлығына әсәйем миҫалында инандыҡ, сөнки ул ниндәй генә эшкә тотонһа ла ошо юҫыҡта төплө белем һәм кәңәштәр алырға тырыша һәм, әлбиттә,урын-еренә еткереп башҡарыу өсөн ваҡытын да, көсөн дә йәлләмәй. Район, республика тарафынан бик күп рәхмәт хаттары, маҡтау ҡағыҙҙары менән бүләкләнгән хаҡлы ялдағы инглиз теле уҡытыусыһы Хәҙисә Ғиззәт ҡыҙы Ҡотлоғужина үҙенең күңел талабы – тегеүгә маһирлана. Ул ҡорама ҡорай. “Ҡатын-ҡыҙ – милләт әсәһе” конкурсында ҡатнашырға тәҡдим килгәс, “Ҡатын-ҡыҙ – һөнәр оҫтаһы” номинацияһына әсәйемдең эшен ебәрәм. Бәлки был үҙенә күрә оҫталыҡ дәресе кемгәлер ярҙам итер, икеләнеүҙәренә юл асыр. Онотмайыҡ - һөнәрле ҡулда бәрәкәт бар.