Аягөзде 40-тан астам қыран құс өнерін көрсетті

Шығыс Қазақстан облысының Аягөз ауданында ересектер арасында саятшылықтан еліміздің XI чемпионаты өтті. Оған еліміздің түкпір-түкпірі мен Алматы және Астана қалаларынан командалар қатысып, 40-тан астам қыран құс өнерін көрсетті. Жарыстың бірінші кезеңінде құсбегілердің киімі, ат әбзелдері бағаланып, қажет құрал-жабдықтары тексерілді. Бұдан соң сайыс қыранды қолға шақырумен жалғасты. Жиналған қалың көпшілік қыран құстың аңға түсетін кезін де тамашалады. 2 күндік жарыстың қорытындысында павлодарлық Бақытжан Мұқашев «Найза» атты бүркітімен І орынды, Алматы облысынан келген Мұрат Көдеков «Ақжол» атты бүркітімен ІІ орынды иеленсе, атыраулық Арман