Եռակողմ հայտարարության տեքստից հանվել է հայկական կողմին ամենից շատ հետաքրքրող դրույթը

Քաղտեխնոլոգ Վիգեն Հակոբյանը Sputnik Արմենիայի հետ զրույցում անդրադարձել է Սոչիում հոկտեմբերի 31-ին կայացած Փաշինյան–Պուտին–Ալիև եռակողմ հանդիպմանը, արդյունքում ընդունված հայտարարությանն ու դրանից բխող հետագա հնարավոր զարգացումներին։ Քաղտեխնոլոգը նշում է, որ Սոչիում հայտարարության տեսքով ընդունվեց նախնական փաստաթղթի միայն մի հատվածը, որից, սակայն, հանվել է այն դրույթը, որն ամենից շատ հետաքրքրում էր հայկական կողմին։ Դրանով Արցախի կարգավիճակի հարցը պետք է որոշ ժամանակով առկախվեր։ Համեմատելով խաղաղության պայմանագրի երկու տարբերակները` Հակոբյանն ընդգծեց, որ Հայաստանն ընտրում է վատի ու վատագույնի միջև։