Истидатлы яшларымыз

«Не къадар чокъ тиль бильсенъ, о къадар да сенинъ инсанлыгъын ис этиле». Бу ибаре белли языджы Антон Чеховгъа аит, ве акъикъатен бизим джемиетни тиллернинъ буюк эмиети акъта тюшюнмеге чагъыра. Чюнки чешит тюрлю тиллерни бильген инсан дюньябакъышынен фаркълана, ве бойлеликнен дигер медениетлеринен таныш олмагъа имкяны бар. Инсаниетни къадимий девирлерден берли сёзнинъ пейда олувы меракъландыргъан эди. Алимлер исе бу саада огърашып, озь фаалиетини «филология» деп адландыргъан эдилер. «Филология» сёзю исе юнан тилинде «сёзге севги» анъламыны ташый.