1957 թ. հոկտեմբերի 4-ին ԽՍՀՄ-ը տիեզերական արբանյակ գործարկեց

1957 թվականի հոկտեմբերի 4-ին` սառը պատերազմի թեժ պահին, Խորհրդային Միությունը արհեստական տիեզերական արբանյակ գործարկեց։ Չորս ալեհավաքով ոչ մեծ մետաղական գունդը 58 սմ տրամագիծ ուներ, կշռում էր 83,6 կգ և պարզ ազդանշան էր արձակում` «բիփ–բիփ–բիփ»։ Հաջորդ օրը աշխարհի բոլոր թերթերը գրեցին, որ ուղեծիր է դուրս բերվել Երկրի` աշխարհում առաջին արհեստական արբանյակը, որը ստեղծվել է ԽՍՀՄ–ում։ Սթիվեն Քինգի «Մահվան պարը» գիրքը սկսվում է «1957 թվական հոկտեմբերի 4 կամ պարի հրավեր» գլխով։ «1957 թվականի հոկտեմբերյան մի օր առաջին անգամ իսկական սարսափ ապրեցի։ Նոր էի 10 տարեկան դարձել։ Կինոթատրոնում էի... Այն պահին, երբ «Օրը, երբ Երկիրը կանգ առավ» ֆիլմի վերջին հատվածում այլմոլորակայինները գրոհեցին մայրաքաղաքը, էկրանի լույսերը մարեցին... Իսկ հետո եղավ չլսվածը. դահլիճի լույս միացրին... բեմ բարձրացավ կառավարիչն ու հայտնեց. «Ռուսները տիեզերական արբանյակ են դուրս բերել Երկրի ուղեծիր և այն անվանել «Спутник» («Արբանյակ»)»: Այսօր սա ռուսերեն բառերից մեկն է, որն առանց թարգմանելու հասկանում են ամբողջ աշխարհում։