ՀՀ-ում իրավական գործընթացներում երկակի ստանդարտներ են գործում. Արամ Օրբելյանը օրինակներ է բերել

«Կոնցեռն դիալոգ» փաստաբանական ընկերության կառավարիչ, փաստաբան Արամ Օրբելյանը «Աբովյան Time » –ի եթերում, խոսելով փաստաբանների ակցիայի պատճառներից, նշեց, որ բազմաթիվ են իրավապահ մարմինների կողմից պաշտպանյալների նկատմամբ բռնության դեպքերը, և որ այս  ակցիայի նպատակը ոստիկանների և իրավապահ մարմինների կողմից բռնության դեպքերի ընդհանրապես բացառումն է։ «Փաստաբանների ակցիան ոչ այնքան ուղղված է փաստաբանների իրավունքների պաշտպանությանը, այլ դրա միջոցով վստահորդների  իրավունքների պաշտպանությանը»- ասաց Օրբելյանը։ Խոսելով ԱԺ Մարդու իրավունքների պաշտպանության խորհրդարանական հանձնաժողովի նախագահի պաշտոնից Թագուհի Թովմասյանին հեռացնելու մասին` Օրբելյանը նշեց, որ նման բան առաջին անգամ 2018թ. ընտրություններից հետո է եղել, մինչ այդ նման դեպքեր չեն եղել։