Երկու պետություն կա, որ թույլ չեն տալիս ՀՀ-ից հերթական տարածքների կորուստ. Տիգրան Քոչարյան

ՀՀ–ում հակառուսական քարոզն ընդամենը գումար աշխատելու միջոց է որոշ մարդկանց և որոշ շրջանակների համար։ Sputnik Արմենիայի «Աբովյան Time»–ի եթերում նման կարծիք հայտնեց մեդիափորձագետ Տիգրան Քոչարյանը։ Նրա կարծիքով` այդ քարոզից առաջին հերթին տուժելու է շարքային քաղաքացին, որին այսօր նույն հակառուսականություն քարոզողները հավաստիացնում են, որ հնարավոր է թուրքի հետ համակեցությամբ ապրել։ «Ինչու ենք թշնամի դարձնում մի պետության հետ, որը մեր ամենամոտ դաշնակիցն է։ 2018 թվականից ամեն ինչ անում ենք, որ վանենք ՌԴ–ին այստեղից։ Կամ ինչու ենք Իրանի հետ վատացնում մեր հարաբերությունները, ինչու բացեցինք դեսպանատուն Իսրայելում, ինչ ստացանք դրա դիմաց Իսրայելից»,–նշեց Քոչարյանը` հավելելով, որ այդ երկու երկրներն են, որ կանխում են նոր պատերազմն ու հերթական տարածքային կորուստները։ Ավելի մանրամասն` տեսանյութում։