Аван кечыже

«Ава» деч шерге мут тÿняште уло мо? Уке, очыни, вет кажне айдемылан илышым ава пöлекла. Санденак, авам моктен, поэт, писатель, композитор, мурызо-влак чапле деч чапле почеламутым, оҥай ойлымашым, повестьым, сылне деч сылне мурым возат. Таче мемнан эн йöратыме, эн сай пайрем – аван кечыже. Тиде кечын ме нунылан эн поро деч поро мутым ойлена, чыла сайым тыланена. Тачысе пайремнам Алексей Александровын возымо сылне почеламутшо дене сӧрастарена.