Marina Babalik ozutti karjalazii sobii Etnomoda-festivualis Piiteris

Petroskoilaizel Babalik Marinal ollah lyydinkarjalazet juuret. Rodu vedi enzimäi opastumah karjalan kieldy, sit ombelemah karjalazii rahvahansobii. Marinal tuli himo tiijustua, kui paistih da mih sellittih hänen karjalazet ezi-ižät. Keviäl häi ombeli iččeh enzimäzet muinazen karjalazen naizen ruutat da elokuun allus ozutti net Etnomoda -festivualis Piiteris.