репетиция Мунхболд

САГААДАЙН МҮНХЭБОЛД. МАНАЙ ДУРАТАЙ ДУУНУУД Энэ ябажа байгаа нэгэ һарын 21-дэ Буряад театрай танхим соо буряад гарбалтай монгол Сагаадайн Мүнхэболд «Мэндэ амар, Алтаргана!» «Минии дуратай дуунууд» гэжэ нэрлэгдэһэн тоглолтоёо дэлгэхэ гэжэ бэлэдхэлтэй. Монгол, Хитад, Буряадаар мэдээжэ дуушан, буряад, монгол зохёолшодой, буряад, монгол арадай дуунуудые айхабтар бэрхээр гүйсэдхэдэг энэ дээрэ нэрлэгдэһэн дуушамнай Бүгэдэ буряадай «Алтаргана» гэжэ ехэ нааданай Дээдын шагналда хоёр удаа хүртэһэн хүн юм. Энэ тоглолтонь «Минии дуратай дуунууд» гэжэ дэмы нэрлэгдээгүй гэжэ ерэжэ шагнаһан хүн бүхэн ойлгохо байха, юуб гэхэдэ дуушаниие дэмжэжэ Буряад, Монгол оронуудай мэдээжэ дуу гүйсэдхэгшэд хабаадаха, хабаадахадаа дуушан бүхэниинь өөрынгөө дуратай дуунуудые дуулаха, арад зоной дунда мэдээжэ боложо дэлгэрһэн дуун хадаа мүн лэ манай дуратай дуунууд болонхой гээ һаа, оройдоошье алдуу байхагүйл даа. Гараад байһан энэ жэлдэ бүхы дэлхэйн буряадууд «Алтарганынгаа» ээлжээтэ ехэ нааданда Буряадай ниислэл Улаан-Үдэ хотодо