Улуу Ата Мекендик согуштун бурмаланган фактылары

Улуу Ата Мекендик согушка байланыштуу фактылардын — тарыхтын бурмаланганы кийинки учурда сейрек кездешкен көрүнүштөрдөн болбой баратат. Андай учурлардын бирин окурмандарга молдовалык журналист Елена Левицкая-Пахомова дааналап көрсөтүп, далилдеп берген. Адис 9-12-класстар үчүн жазылган Молдованын Улуу Ата Мекендик согуш учурундагы тарыхынын экспресс-курсун анализдеген. “9-класс үчүн бир тема, 12-класс үчүн эки тема берилген. Бул биздин аймактын эмес, чындыгында румындардын тарыхы экенин түшүнөсүңөр. Эмнеге? Себеби Экинчи дүйнөлүк согуштагы башкы адам ким болгон деп ойлойсуңар? Ион Антонеску! Гитлер, Сталин жөн эле кыйгап өтүп, бул окуяларга кокустан катышып калган адамдар сыяктуу сезим калат“, — деген ал фактылардын бурмаланышы тууралуу айтып жатып. Ленинград курчоосу, Беларуста адамзатка каршы жасалган кылмыштар, дүйнөнү солк эттирген, кесепети азыркыга чейин жаңырык болуп жетип эстетип турган Нагасаки, Хиросима тууралуу бир ооз да айтылбагандыгын белгилеген. Тарыхты бурмалаган курстун авторлору тууралуу сөз кылган журналист тарыхчы адистердин мындай эмгеги үчүн кандай “сый-урматка арзыганына“ учкай токтолгон.