Кветкі нашага двара: Званочак крапівалістны – і прыгожы, і лечыць | Энцыклапедыя гарадскіх двароў

Наш двор - Сусвет! Калі зірнуць нібы прамытым вокам. Нібы раней ніколі тут і не быў. Нас чакаюць сапраўдныя адкрыцці: “Вось дык ну! Як раней пра гэта не думалася?!” – скажа любы. Не верыце? Зараз упэўніцеся! Сёння гутарка пра кветкі нашага двара. Знаёмцеся, дзікі, але вельмі сімпатычны сусед нашага двара – званочак. Але гэты – незвычайны. Ягоныя лісцікі камусьці нагадалі крапіву. Таму яго так і назвалі – званочак крапівалістны. Але давайце пазнаёмімся бліжэй са званочкамі. І пачнем з легенды. Кажуць, што калісьці даўно валадар Падземнага царства закахаўся ў Фею кветак і стаў адорваць яе каштоўнымі камянямі. Але Фея кожны раз казала: — Яны прыгожыя, але няма ў іх жыцця. Тады падземны цар падрыхтаваў ёй новы падарунак – букет кветак. Сцебле і лісце – са смарагдаў, а кветкі – з аметыстаў і сапфіраў. Пяць зрослых завостраных пялёсткаў нагадвалі далікатныя кубачкі. Фея залюбавалася кветкамі. Надала ім жыццё і рассяліла па зямлі. Званочкі мы сапраўды сустракаем паўсюль. Адрознівацца яны нечым могуць, але кветк