Հայր Մեր֊ի 7 Խոսքերը Գրաբար և Աշխարհաբար

Հայր Մեր աղոթքի մեջ 7 խոսքեր կան։ Լսեք այդ խոսքերը Գրաբար և Աշխարհաբար։ Դիտեք մինչև վերջ ու տեսեք թէ ինչ եղավ վերջում։ - Նաև հիշեք խնդրում եմ, եկեք այս շաբաթն անցկացնենք Հայր Մեր-ի շաբաթ։ Ու ամեն մեկս նպատակ դնենք գոնե մի մարդու Հայր Մեր աղոթքը սովորեցնել։ Սկսեք ձեր երեխաներից, տնեցիներից, մտերիմներից։ Ու եթե համաձայն էք, դուք էլ այս մասին գրեք իրար, կիսեք ձեր էջերին, պատմեք մարդկանց, որպեսզի ավելի շատ հայ մարդիկ իմանան ու մի գուցե ավելի մոտենան Քրիստոսին։ Հայր Մեր Աղոթքի Բառերը Գրաբար Հայր մեր որ յերկինս ես, սուրբ եղիցի անուն Քո։ Եկեսցէ արքայութիւն Քո։ Եղիցին կամք Քո որպէս յերկինս եւ յերկրի։ Զհաց մեր հանապազորդ տուր մեզ այսօր։ Եւ թող մեզ զպարտիս մեր, որպէս և մեք թողումք մերոց պարտապանաց։ Եւ մի տանիր զմեզ ի փորձութիւն։ այլ փրկեա զմեզ ի չարէ։ Զի քո է արքայութիւն եւ զօրութիւն եւ փառք յաւիտեանս Ամէն Հայր Մեր Աղոթքի Բառերը Աշխարհաբար Հա՛յր մեր, որ երկնքում ես, Քո անունը սու՛րբ լինի, Քո թագավորությունը գա՛, Քո կամքը լինի՛ Ինչպես երկնքում, այնպես երկրի վրա, Մեր ամենօրյա հացը տուր մեզ այսօր Եվ մեզ ներիր մեր պարտքերը, Ինչպես մենք կներենք մեր պարտապաններին Ու մեզ փորձության մի տանի, Այլ փրկիր մեզ չարից, Քանի որ քոնն է թագավորությունը, Զորությունը և փառքը հավիտյանս հավիտենից, Ամեն։