Әнием бәгърем, Кояшым нуры син.

Әнием бәгърем, Кояшым нуры син. Әнием җаныем, Тормышым яме син! ⠀ “Әнием” /Гөлфия Халиуллина/ ⠀ 🌸Мин күп балалы гаиләдә үстем. Әтием Мингали улы Нургали (1928-1973) колхоз умарталыгында, әнием Ибатулла кызы Нурифатыйма (1933-2018) мәктәп ашханәсендә пешекче булып эшләделәр. Әтиебез беренче хатыныннан 3 бала белән тол калганнан соң безнең әнигә өйләнгән. Мин моны белмичә үстем, әти үлгәнгә 6-7 ел узганнан соң микән, иптәш кызларымнан, без ике оя балалары икәнлеген ишетеп кайттым. ⠀ 🌸Әни беркайчан да безне аермады, алты баласын да бертигез күреп үстерде. Әти һәлак булганнан соң да, балаларны кайгыртып, туган авылына кайтып китмәгән. Сынауларга бирешмичә, ялгызы алты баланы аякка бастырып, кеше иткән. Әнинең уңганлыгына һәрвакыт сокланып яшәдем мин. Аның бирнәсендәге байлыкны күреп таң кала идем мин. Шуңа да кул эшенә мәхәббәтем, гүзәллекне күрә белүем өчен дә мин әниемә мең рәхмәтлемен. ⠀ 🌸Шагыйрләр әйткәнчә, әниләрнең бөеклеген яши-яши аңлыйсың. Ә инде туган нигезгә кайткач әни чыгып каршы алмагач, үзәкләр бөт