Усаҡ яна. Фаузия Кутлугильдина.

УСАҠ ЯНА /Йыр/ Хәйҙәр Дилмөхәмәтов көйө һәм башҡарыуында Фәүзиә Ҡотлогилдина һүҙҙәренә Иҫебеҙҙә …Икәү ҡабыҙғайныҡ Йәш сағыбыҙҙа беҙ усаҡты…. Әле самауырҙан сәй эскәндә Иҫләп ултырабыҙ шул саҡты.. Ҡуш: Ғүмер көҙөндә лә дөрләп яна Беҙ ҡабыҙған һөйөү усағы! Олоғайҙыҡ тиеп һүрелмәйбеҙ Күңелдәрҙең һаман йәш сағы! Усағыбыҙ сағыу янһын өсөн Ҡушып торам йөрәк ялҡынын… Алтын көҙөбөҙҙә беҙҙең усаҡ Тирә-яғыбыҙға балҡыһын! Йылынһындар усаҡ эргәһендә Күршеләрем, дуҫтар, туғандар… Кемдәр өшөй, керһен йылынырға, Килһен беҙгә яҡын булғандар! Барыһына ла етер йылылыҡ, Усаҡ эргәһендә урын күп! Дөрләтергә һөйөү усағыбыҙ Йөрәктәрҙә әле ялҡын күп! Фәүзиә Ҡотлогилдина-АЛТЫНБИКӘ