МЕМОРАНДУМҒА ҚОЛ ҚОЙЫЛДЫ: ЖАСТАРҒА ТЕГІН ЫСТЫҚ ТАМАҚ БЕРІЛЕДІ «2019 жыл – Жастар жылы» - на орай, аудандық жастар ресурстық орт

МЕМОРАНДУМҒА ҚОЛ ҚОЙЫЛДЫ: ЖАСТАРҒА ТЕГІН ЫСТЫҚ ТАМАҚ БЕРІЛЕДІ «2019 жыл – Жастар жылы» - на орай, аудандық жастар ресурстық орталығы және ЖК Есбаева Гульсум Измагамбетовна «Раушан» кафетериі иесінің өзара келісімімен, мүмкіндігі шектеулі, аз қамтылған отбасы және жетім жастарға ыстық тамақ беру бойынша 2019 жылға арналған МЕМОРАНДУМға қол қойылды. Меморандум аясында жыл бойы әр айдың 27 – 28 күндері Қандыағаш қаласындағы 14 – 18 жас аралығындағы мектеп оқушыларына және колледж студенттеріне (мүмкіндігі шектеулі, аз қамтылған отбасы, жетім балалар) ыстық тамақ беріледі. Әр ай сайын «Раушан» кафетериі Қандыағаш қаласының 30 баласын тегін тамақтандырады. Балалардың тізімін Жастар ресурстық орталығы жасақтап, бекітеді. Тіркелу үшін туу туралы куәлік немесе жеке куәлікпен Жастар ресурстық орталығына келуіңіз қажет. Мекен-жайы: Баймұхамбетов 20а. Байланыс: 3-09-71