Икĕ хут уяв паллă турĕç

Чăваш Республикинчи культура ĕçченĕсемшĕн паян икĕ хут уяв. Вĕсем професси уявне тата культура министерстви йĕркеленнĕренпе 85 çул çитнине паллă тăваççĕ. 1936 çулхи пуш уйăхĕнче республикăри халăх комиссарĕсен канашĕ çумĕнче ӳнер ĕçĕсен управленине туса хунă. Çак пулăма халалланă савăнăçлă уяв Чăваш патшалăх оперăпа балет театрĕнче иртрĕ.