Ես ընտրում եմ հերոսների, որոնց տեսակը մեզ պետք է. «Տարվա լավագույն հայ հեղինակ – 2022» Աշոտ Աղաբաբյան

Գիրք նվիրելու օրվա առթիվ գրող, հրապարակախոս, լրագրող, «Տարվա լավագույն հայ հեղինակ – 2022» Աշոտ Աղաբաբյանը Sputnik Արմենիայի հետ զրույցում ուրախությամբ ընդգծեց, որ ընթերցողները երիտասարդացել են։ Մեր ժամանակների ամենափնտրված հեղինակը իր գրքերի և, մասնավորապես, հետախուզական թեմաների հանդեպ հասարակության հետաքրքրությունը պայմանավորում է ոչ թե նյութերի գաղտնազերծմամբ, այլև այն հանգամանքով, որ ներկայացված նյութերը հրապարակվում են առաջին անգամ։ Գրողը նկատեց նաև, որ պատերազմից հետո պատերազմի թեմայով վեպերը մեծ պահանջարկ ունեցան և որ նոր՝ «Սև հովազ» վեպում առաջին անգամ կանդրադառնա մեր օրերին։ Հեղինակը ակնարկում է, որ մեր նման երկրների համար խաղաղությունը տրվում է նոր պատերազմին պատրաստվելու համար, իսկ եթե պատրաստվենք՝ պատերազմ չի լինի։