Эл турак жай кооперативдеринен акчасын кантип ндрп алат ИИМдин жообу

Ички иштер министри Улан Ниязбеков турак жай кооперативдеринин кармалып, камалган жетекчилеринен эл каражатын кантип өндүрүп алат деген суроого жооп берди. Ал эң ирилери делген “Ихсан“, “Биринчи турак жай“, S-Line деген турак жай кооперативдеринин банктык эсептери убактылуу токтотулуп, мүлктөрү камакка алынганын белгиледи. “Тергөө амалдары жүрүп жатат. Дагы башка кооперативдерден алдангандар бизге келип арыз жазса, мыйзам чегинде чара көрөбүз. Бардык чыгымдарын толуктап бергенге аракет кылабыз. Мыйзам боюнча сот аныктамасы менен кандай мүлкү, эсебинде канча акчасы бар экенин териштиребиз. Аягында соттун чечими менен ошол мүлктөрү конфискацияланып, акча жабырлануучуларга кайтарып берилет“, — деди министр. Ниязбеков ошондой эле Кыргызстанда бул сыяктуу жүздөн ашуун каржы пирамидалары бар экенин кошумчалады.