Пĕлтерĕшне нихăçан та çухатмасть

«Пĕчĕк принц», «Çĕрлехи вĕçев», «Кăнтăр почтовай». Вырăс драма театрĕнче Антуан де Сент-Экзюперин хайлавĕсене пухса «Пĕчĕк принц» спектакль хатĕрленĕ. Пĕр ĕмĕр тултарнă театрăн ку кăçалхи пĕрремĕш премьери пулчĕ. Вĕçевçĕ Сахара пушхирте анса ларать. Кунта вăл тĕлĕнмелле арçын ачана – пĕчĕк принца – тĕл пулать. Вăл çĕр çине тепĕр планетăран çитнĕ. Принц вĕçевçе хăйĕн пурнăçĕпе паллаштарать. Арçын ачан тăван планетинче роза пур. Вăл ăна юратать, анчах та роза питĕ мăн кăмăллă, хăвăрт кӳренет, тискертерех. Вăхăта ирттерме вăл хăйĕн планетине тирпейлеме тытăнать, ыттисене те çакна сĕнет. Телейсĕр пулнипе пĕчĕк принц тĕнчене тĕпчеме шу