Шупашкарта тĕп Хĕл Мучи пулчĕ

Йăлана кĕнĕ йĕркепе Çĕршывăн тĕп Хĕл Мучийĕ хăй çуралнă кунĕ хыççăн пысăк çул-çӳреве тухать. Кăçал вăл 48 хулана çитсе килме тĕллев лартнă. Çак канмалли кунсем Чăваш Енре пурăнакансемшĕн Çĕнĕ çул асамçипе тĕл пулнипе асра юлчĕç. Аслă Устюгран килнĕ шур сухал пурне те Николаев паркĕнче пухрĕ. Сумлă хăнапа тĕл пулма ватти те, вĕтти килсе çитрĕ.